Mannat Sa..

Tu ghabraye kyu, jab kal tune na dekha.

Tu ladkhdaye kyu, jab raasta yahi  hai tera.

Tu khud mein khud ko roke kyu, agar hai tujhe jeena.

Tu utsukta ko baandhe kyu, agar gyaan hai tujhe peena.

Tu mann ki ankhein khole, jab ho sab dhuaa dhuaa.

Tu dil ke raaste khole, jab ho tu dara dara.

Tu chup hai kyu, agar sunn rha apni cheekh ko.

Tu bhram nhi, aaj maan le apne astitva ko.

Kyu mitt rha tera vishwas hai, jab kho ke paana hi teri muraad hai.

Kyu soche ki tu aaj hai khali sa, tu jaanta nhi ye tere jazbaat hai.

Tu samet le ya jee le, yhin tera chayan hai.

Tu maang le ya de le, yhin tera karm hai.

Ho ja tu malang sa, agar ibaadat ho karni.

Ho ja tu shunya sa, jo apni pehchaan ho karni.

Tu ho ja mandir, masjid aur dua.

Tu ho masoom aur jee le mirza.

Taare se janma prakash hai tu, tu ho ja aaj dhyaan zara.

Marhum sa narm hai tu, kisi ke dard par aaj thehar ja..

Tu ho ja prem sa, parbat ko chhu aur srishti sa ban ja.

Tu armaan ban aur kisi ki mannat sa udta chla ja, udta chla ja..

 

 

Roobaru

Baadalon se ghir kar chhup rhe the hum,
Na jaane kiss se muh mod rhe the hum,
Jo nazar aaya hi nhi usse khoj rhe the hum, 
Achanak humne mehsus kia ki ankhein muund kr baethe the hum,
Dekha toh paaya baadal baeth kar ho gye the thum,
Khud ko khud ke saamne roobaru kar rhe the hum, roobaru kar rhe the hum…

Ardh Satya

Jharne mein behte hue shor boond boond ka,

Aur Behti hui nadi mein achanak se aana kisi mod ka.

Halki si baarish mein garajna zor se baadal ka,

Aur andheri raat mein bujhna aakhri mombatti ka.

Bin bulayi barsaat se tootna ghar kisi ka,

Aur bina wajah bataye ruthna zindagi ka.

Aakhri chaai ki chuski mein milna mishri ka,

Aur ghanto intzaar ke baad chhutna gaadi ka.

Khwahishon se bhare bheed mein akele reh jaane ka,

Aur akele mein bhi apno ka sukoon paa jaane ka.

Aadhi raat mein kisi dhamaake se uthne ka,

Aur nayi subah mein nayi shuruwat ke hone ka.

Chehkti muskaan mein badhte vishwas ka,        

Bachhe ki kilkari mein khilane wale ki naadani ka.

Ehsaas hain sab kisi mein kuch zada ya kuch kam,         

Hastakshep soch hai sab kisi ka armaan kisi ka mat.

Kamal ke kichad mein khilne jaisa kisi ka jhooth kisi ka sach,                          

Aur grahan mein kisi ke milne ya kisi ki doori jaisa hai ye saara ardh satya ardh satya.

Sachh Kya Hai..

Sachh kya hai jhooth kya
Dil kya hai dimaag kya
Zameen kya ye aasamaan kya
Gareeb kya hai fakir kya

Maasuum kya hai tez kya
Dhokha kya hai fareb kya
moh kya ye prem kya
Jism kya hai aatma kya

Kya hai ye duniya or ye log kya
Kya hai jeena or jeene ka maksad kya
Kya hai ye marna or maarna kya                                        Kya hai ye khel or zindagi kya

Sach kya hai or ye jhooth kya

 

Zindagi…

Zindagi ho jaise udte baadalon si
Saath ho jaise chaav thandi si
Ghar ho jaise hariyali ped ki
Rishtey ho jaise ye prithvi hum sab ki

Gyaan ho jaise sooraj ki kiran pehli
Dhyaan ho jaise samarpit sadhana ki
Aayu ho jaise sugandh kaamyabi ki
Shrey ho jaise bhakti prem ki

Zindagi ho jaise udte badalon si….

FOLDS- the old and new..

With the cold icy nights I stood

With the least ray of shine I stood

With the storm and strikes I stood

And with the drought and slides I stood

 

But I broke with your question and doubt

I broke with your sharp words that mount

I broke when you struck me with the shock

Of no longer being one of my part

 

Then I perceived it all as one big disaster

Like the naturals’ I put them in same cluster

Now this repeated two three four  times

And I became an expert to dig the mine

 

With each bad experience I turned a bit blue

Yet I make better decisions may end up bad few

Now I look upto myself discovering fresh view

Every time I broke I stood up as new.

CHAAHAT

 

Jab jaan-naa chaha,

tab haalaat nhi the.

 

Jab maan-na chaaha,

tab jazbaat nhi the.

 

Jab chaaha ki lafzon mein krein kuch banyaa

tab, sach kehti hun, shabd hi nhi the.

 

Jab dhuud-na chaaha,

tab jawaab kayi the.

 

Jab apnana chaaha,

tab sawaal kayi thi.

 

Jab chaaha ki aankhein mund kar sun lun dil ki baat

tab, sach kehti hun, dil mein koi ehsaas hi nhi the.

 

Jab samajhna chaaha,

tab pehlu kayi the.

 

Jab smajhaana chaaha,

tab tum hi nhi the.

 

Jab chaaha ki khud mein khud se hi mil lun

tab, sach kehti hun, Allah bhi yhin the aur Ishwar bhi yhin the….

 

Jab milin unse,

tab puchha maine,

 

jaana khn tha,

aur khn hain chal diye.

 

Jab suna unhone meri chaahat ko

tab vo bole, main sach kehta hun, aana tha yhin pe…..tumhe, aana tha yhin pe.

Relationship In You or You In Relationship.

If you are reading this post, Kindly read it till the end.

(This poetry is written in Hindi)

“Tumhe kya khabar thi

Ki kitna maana tha tumhe

Jab tum door the tab

Kitna chaaha tha tumhe

Sochti hun ye waqt hai ya hum kuch aise hi hain

Jo badalte badalte na jaane kab yun hi bicchde hain

Jaane kahan gye, wo pal, wo lafz, wo jazbaat, wo khushi, wo gum

Jinme kabhi na tum the ya main, jinhe jeete the toh sirf hum or hum..

Aaj hum se pehle tum or main aata hai

Samjhte-samjhaate hum se tum or tum se main, vibhakt ho chuka hai

Aaina samajh kar tum mein khud ko dekha tha

Ki aaj vo pratibimb “main tum nahin” keh kar

Khin aur chal diya hai, khin aur chal diya hai…”

 

How many times have you failed to understand the reason behind such relationships?

This is true that relationships go through all phases, like a wave and reason being that relationships are a phenomenon, just like life.

But what makes us weaker, are not the relationships, but our perception, our cognition of attaching our identity with the relationships or with the people we are in relationships.

Here, some do forget that relationship is because of you, and not you are because of relationship. This is the kind of error one makes, by dissolving ones own identity into the others.

Simply try to think once, if you keep your identity beside your relationship then when relationship goes through ups and downs it might impact you, but would not be able to vanish you. As, your identity will not nullify if the relationship goes vulnerable.

When in hunger you eat your self then, in damage you will rescue yourself. YOU are your own warrior.  Because if you have the guts to let yourself suffer, then you’ve got the greater binge to let yourself live happily.

Share and motivate them, who need to trust them selves.

MIT-TE SHABD

Shabdon ke jaal mein khud ko hai baandha

Anjaane mein dheeme dheeme khud ko khud se hai khoya

 

vishwaas, saath, pyaar or bharosa

Kabhi khud ko lapata toh kabhi khud mein kisi aur ko hai paya

 

Ansuni aawaaz cheekh rhi hai

Mere hi shabd ab mujhe bezubaan kar rhe hai

 

Dabi hui si khwaahish aaj marr rhi hai

Khud ki paribhaasha bhi ab mitt rhi hai…

 

 

 

 

 

“PHIR ek koshish”

KABHI PARDE KO PHIR GIRA KAR DEKHO, 

ISS KHAMOSHI KO AAWAZ DE KAR DEKHO, 

KI AB YE SANNATTA DUM TODNE LAGA HAI.. 

 


JO KABHI EK THE UNHE PHIR EK BANA KAR DEKHO, 

PURANE BANDHAN KO NAYI SOCH SE NIBHA KAR DEKHO, 

KI AB AKELEPAN KAID KARNE LAGNE LAGA HAI..

 


DHALTE SURAJ KO PHIR VISHWAS SE TOH DEKHO, 

RAAT KI ROSHNI KO MEHSUS KAR KE DEKHO, 

KI AB MANN KA SHOR CHUBHNE LAGA HAI..

 


NAARAAZGI KE SHABDON KO PHIR SULJHA KAR DEKHO,

JIS SAATH KA WAADA KIA THA USE BARKARAR KAR KE DEKHO,

KI TOOTE RISHTEY KA MOL AB KHUD KO KHUD SE DOOR KARNE LAGA HAI..