Mannat Sa..

Tu ghabraye kyu, jab kal tune na dekha.

Tu ladkhdaye kyu, jab raasta yahi  hai tera.

Tu khud mein khud ko roke kyu, agar hai tujhe jeena.

Tu utsukta ko baandhe kyu, agar gyaan hai tujhe peena.

Tu mann ki ankhein khole, jab ho sab dhuaa dhuaa.

Tu dil ke raaste khole, jab ho tu dara dara.

Tu chup hai kyu, agar sunn rha apni cheekh ko.

Tu bhram nhi, aaj maan le apne astitva ko.

Kyu mitt rha tera vishwas hai, jab kho ke paana hi teri muraad hai.

Kyu soche ki tu aaj hai khali sa, tu jaanta nhi ye tere jazbaat hai.

Tu samet le ya jee le, yhin tera chayan hai.

Tu maang le ya de le, yhin tera karm hai.

Ho ja tu malang sa, agar ibaadat ho karni.

Ho ja tu shunya sa, jo apni pehchaan ho karni.

Tu ho ja mandir, masjid aur dua.

Tu ho masoom aur jee le mirza.

Taare se janma prakash hai tu, tu ho ja aaj dhyaan zara.

Marhum sa narm hai tu, kisi ke dard par aaj thehar ja..

Tu ho ja prem sa, parbat ko chhu aur srishti sa ban ja.

Tu armaan ban aur kisi ki mannat sa udta chla ja, udta chla ja..

 

 

CHALTE-CHALTE

Chalte chalte main neeche dekhna bhool jata hun,
ki aasmaan mein khawaahish ko dhudta reh jaata hun,
gir jata hun bhool se par uth kar sambhal bhi jaata hun.

Vhin zindagi muskurati hai,
gehre zakhmo pr malhum lagati hai,
aur kehti hai waqt se tum rukna nahi yehi toh sache khawab ko paane ki hai tarkeeb.

Isi waqt or zindagi ne mujhe hai sikhaya,
zaruri nhi jo socha whi hai paaya,
kabhi zada toh kabhi kam hai sabke hisse mein aaya.

Uss khwab ki or main fir se badhta hun,
sambhalta kam aur girta zada hun,
par aaj zindagi ki khwaahish ko naye pehlu se dekhta hun.

Hosla khud mein aur vishwas raaste pr rakhta hun,
sapne pure hon ya na hon magar sachhe dekhta hun,
ye aasmaan mera ho na ho lekin iss zameen ko, chalte chalte gir ke, har baar chumta hun.

CHAAHAT

 

Jab jaan-naa chaha,

tab haalaat nhi the.

 

Jab maan-na chaaha,

tab jazbaat nhi the.

 

Jab chaaha ki lafzon mein krein kuch banyaa

tab, sach kehti hun, shabd hi nhi the.

 

Jab dhuud-na chaaha,

tab jawaab kayi the.

 

Jab apnana chaaha,

tab sawaal kayi thi.

 

Jab chaaha ki aankhein mund kar sun lun dil ki baat

tab, sach kehti hun, dil mein koi ehsaas hi nhi the.

 

Jab samajhna chaaha,

tab pehlu kayi the.

 

Jab smajhaana chaaha,

tab tum hi nhi the.

 

Jab chaaha ki khud mein khud se hi mil lun

tab, sach kehti hun, Allah bhi yhin the aur Ishwar bhi yhin the….

 

Jab milin unse,

tab puchha maine,

 

jaana khn tha,

aur khn hain chal diye.

 

Jab suna unhone meri chaahat ko

tab vo bole, main sach kehta hun, aana tha yhin pe…..tumhe, aana tha yhin pe.

Relationship In You or You In Relationship.

If you are reading this post, Kindly read it till the end.

(This poetry is written in Hindi)

“Tumhe kya khabar thi

Ki kitna maana tha tumhe

Jab tum door the tab

Kitna chaaha tha tumhe

Sochti hun ye waqt hai ya hum kuch aise hi hain

Jo badalte badalte na jaane kab yun hi bicchde hain

Jaane kahan gye, wo pal, wo lafz, wo jazbaat, wo khushi, wo gum

Jinme kabhi na tum the ya main, jinhe jeete the toh sirf hum or hum..

Aaj hum se pehle tum or main aata hai

Samjhte-samjhaate hum se tum or tum se main, vibhakt ho chuka hai

Aaina samajh kar tum mein khud ko dekha tha

Ki aaj vo pratibimb “main tum nahin” keh kar

Khin aur chal diya hai, khin aur chal diya hai…”

 

How many times have you failed to understand the reason behind such relationships?

This is true that relationships go through all phases, like a wave and reason being that relationships are a phenomenon, just like life.

But what makes us weaker, are not the relationships, but our perception, our cognition of attaching our identity with the relationships or with the people we are in relationships.

Here, some do forget that relationship is because of you, and not you are because of relationship. This is the kind of error one makes, by dissolving ones own identity into the others.

Simply try to think once, if you keep your identity beside your relationship then when relationship goes through ups and downs it might impact you, but would not be able to vanish you. As, your identity will not nullify if the relationship goes vulnerable.

When in hunger you eat your self then, in damage you will rescue yourself. YOU are your own warrior.  Because if you have the guts to let yourself suffer, then you’ve got the greater binge to let yourself live happily.

Share and motivate them, who need to trust them selves.