KITAAB

Ek dukaan, dukaan kitaab ki.

Kitaabein kayi, kuch kahaaniyon ki.

Kahaaniyan ankhahee, kisi ke khwaab ki.

Ek khwaab, yaad kisi ki.

Kisi ki chaahat, ladaai kisi ki.

Aazaadi kisi ki, maut kisi ki.

Shanti kisi ki, sachayi kisi ki.

Ek dukaan, dukaan kitaab ki.

Kshetr ek, Lekhak kayi.

Syaahee ek, pal the kayi.

Lafz unke, aawaaz thi meri.

Anubhav unka, pariksha thi meri.

Chaai saath mein, kuch biscuit bhi.

Raatein kayi, par saath nhi.

Vichaar kayi, dhaarna kayi.

Ek kitaab, kitaab uss dukaan ki…